Predavanje Igora Dude „Od samoorganizacije do samodoprinosa: mjesne zajednice i društveno samoupravljanje u Jugoslaviji“ u Skopju
Igor Duda održat će na Institutu za nacionalnu povijest (Institut za nacionalna istorija) u Skopju 12. prosinca 2023. u 10.30 sati predavanje „Od samoorganizacije do samodoprinosa: mjesne zajednice i društveno samoupravljanje u Jugoslaviji“.
Институтот за национална историја со задоволство ве поканува на предавање на проф. д-р Игор Дуда од Универзитетот Јурај Добрила во Пула.
Тема на предавањето:
Од Самоорганизација до самопридонес: месните заедници и општественото самоуправување во Југославија
Место: Институт за национална историја, Григор Прличев 3, Скопје
Време: Вторник 12.12.2023 во 10:30 часот
По искуствата со месните комитети и станбените заедници, од 1963 година југословенските граѓани во нивното место на живеење се здружија во месните заедници и на тој начин ја реализираа примената на принципите на општествено самоуправување и непосредна социјалистичка демократија. Самоуправната територијална организација го достигна својот врв во 1982 година, кога во Југославија имаше повеќе од 13 илјади местни заедници со бројни активисти и делегати. Во рамките на општината и со основните организации на здружен труд и самоуправните интересни заедници, месните заедници се координираа и се договорија за нивниот развој и инвестиции во подигање на општествените стандарди. Меѓу изворите на финансирање беше и самопридонесот како форма на давање пари, работа или услуга, за што самите граѓани одлучуваа на референдум. Самопридонесот е одличен одраз на основните карактеристики на локалната заедница, која мораше да работи на остварување на заедничките интереси и потреби на граѓаните, давајќи им можност да управуваат со приходите и да ја забрзаат модернизацијата, но и простор за посилно меѓусебно зближување и поврзување. Предавањето се заснова на повеќегодишно истражување како дел од проектот Микросоцијализам, финансиран од Хрватската научна фондација (ХРЗЗ), и на неодамна објавената книга „Социјализмот на куќниот праг. Локалната заедница и секојдневното општествено самоуправување во Југославија“.
Игор Дуда е историчар, редовен професор на Катедрата за историја на Филозофскиот факултет на Универзитетот Јурај Добрила во Пула и истражувач, ко-основач и иницијатор е на многу активности на Универзитетскиот Центар за културни и историски истражувања на социјализмот. Од 2011 година е надворешен соработник на Филозофскиот факултет на Универзитетот во Загреб, а од 2021 година е научен соработник на Институтот за истражување на Источна и Југоисточна Европа Лајбниц (ИОС) во Регенсбург. Дипломирал на Филозофскиот факултет во Загреб по историја и хрватски студии, а магистрирал и докторирал историја. Тој се занимава со историјата на секојдневието и социјалната историја на социјалистичка Југославија, темите за слободното време, туризмот, потрошувачката култура, животниот стандард, детството, обликувањето на социјалистичкиот човек и учеството на граѓаните во општественото самоуправување. Од 2018 до 2023 година бил раководител на истражувачкиот проект Микроструктурите на југословенскиот социјализам: Хрватска 1970-1990 година, чии резултати се објавени во неговата четврта книга Социјализмот на куќниот праг. Локалната заедница и секојдневното социјално самоуправување во Југославија (2023) и зборникот на трудови Микросоцијализам (2023).
Izvori:
https://www.unipu.hr/ckpis/mikrosocijalizam/dogadanja
https://www.facebook.com/profile.php?id=100054419443390